လူမျိုးပေါင်းစုံ ပါဝင်ခဲ့သည့် ၁၉၄၈ ခုနှစ် မြန်မာအစိုးရ(၈/၁၉၄၈)

 ၁၉၄၈ ခုနှစ် သြဂုတ်လ - ကွန်မြူနစ် (အလံဖြူနှင့် အလံနီ)၊ ပြည်သူ့ရဲဘော် အစည်းအရုံးနှင့် မူဂျာဟစ်ဒင်လက်နက်ကိုင် ပုန်ကန်မှုများ အားကောင်းနေချိန်တွင် သမ္မတကြီး စပ်ရွှေသိုက်နှင့် တပ်မတော် စစ်ဦးစီးချုပ် ဗိုလ်ချုပ်ကြီးစမစ်ဒွန်းတို့ ရန်ကုန်ကော်ပိုရေးရှင်း အဆောက်အဦရှေ့တွင် စစ်သားများအား ကြည့်ရှုစစ်ဆေးပုံ ဖြစ်သည်။ စစ်အုပ်ချုပ်ရေး ကြေညာထားခဲ့စဥ်က ဖြစ်သည်။ ထိုအခိုက် ဧရာဝတီမြစ်ဝှမ်း တလျှောက် ကရင်၊ ကချင်နှင့် ချင်းတပ်ရင်းများသည် မြန်မာ ကွန်မြူနစ်နှင့် ပြည်သူ့ရဲဘော် အစည်းအရုံးတို့နှင့် တိုက်ပွဲများ ဖြစ်ပွားလျက် ရှိသည်။ 

ထိုအချိန် (ထိုတစ်ကြိမ်တည်းတွင်သာ) မြန်မာအစိုးရအဖွဲ့သည် ရှမ်းလူမျိုး သမ္မတကြီး စဝ်ရွှေသိုက်၊ မြန်မာလူမျိုး ဝန်ကြီးချုပ် ဦးနု၊ ဆန်းဟာ့စ်တ် စစ်တက္ကသိုလ်ဆင်း (Sandurst) ဖြစ်သည့် ကရင်လူမျိုး ကာကွယ်ရေး ဦးစီးချုပ် ဗိုလ်ချုပ်ကြီး စမစ်ဒွန်း စသည်ဖြင့် အမှန်တကယ် လူမျိုးပေါင်းစုံ ပါဝင်ခဲ့သည့် အစိုးရတစ်ရပ် ဖြစ်ခဲ့သည်။ နောက်ပိုင်းတွင် ဗိုလ်ချုပ်ကြီး စမစ်ဒွန်းနေရာကို ဒုတိယ ဗိုလ်ချုပ်ကြီး နေဝင်းက အစားထိုးဝင်ခဲ့သည်။